شمعة وقلم وأسطر ......

روح العود · 05 02 2010, 12:15

كنت قد أفتتحت صفحةً في السابق ولكنني أهملتها بسبب تفرغي أولا بالدراسة ومن ثم بأمور آخرى ...

لذا باتت مغبرة وقديمة ولا أستطيع أن أعبر فيها بما يجول في خاطري ..

وهنا قررت أن أسطر بقلمي يومياتي السعيدة والحزينة ..

ولكن في البداية أحببت أن أعرفكن بنفسي لأنه البعض جديد ولا يعرفني أو القديم بات لا يعرفني بسبب تغيير لقبي .....

لقبي :::

أنسانة بلا روح أولاً

حلا الماس ثانياً

الحزن الأكيد أخيراً

المكان ::::

الأمارات

العمر ::::

عمر يأتي وعمر يذهب ولا نعرف متى النهاية .....

الدراسة :::::

دكتوراه في القعدة بالمنزل خخخخخخخخخخ

الهواية ::::

التصميم والطبخ والرسم

اللون المفضل :::::

الأسود والأحمر والبني

الأكلة المفضلة ::::

محشي ورق عنب والمرقوقة من أيد عموووووه الله يطول بعمرها >>>> أشتهيتها

الفيلم المفضل :::

تايتنك وجميع أفلام الأكشن ...

الكرتون المفضل ::::

جودي أبوت لو أشوفه مليون مره ما أمله من كثر ما أضحك ههههههههههه ...

شو بعد تبون تعرفون .....

وهنيه بحط تصميم بسيط سويته لأنه الصورة عيبتني وحبيت أحط فيها كلمات مناسبة فقط لا غير ...

أشوفكم بوقت ثاني بإذن الله تعالى

روح العود · 05 02 2010, 12:33

الحزن الأكيد

لقب واااااايد من الأخوات العزيزات على قلبي عاتبوووني عليه ..

وما قدرت أني أوضح لهم السبب فقررت أني أوضحه هنيه ..

هاللقب ما أخترته إلا بعد تفكير غبي والسبب أني كنت في الفترة إللي طافت حزينة وايد لدرجة أني مليت كل شيء .....

لكن الحمدلله الحزن راح لكنه ما راح بالكامل فكل إنسان معرض للحزن وللفرح وإن شاء الله الفرح يدوم ..

تعرفون ::::

أنا ندمانه أني أخترته لكني بنفس الوقت ما أحب أني أختار لقب يدل على الفرح عشان ما أكذب على نفسي ..

فأتمنى منكم أنكم تتقبلوني مثل ما أنا ..

كنت بلا روح وعندما أصبح لدي أجمل الألماس صار حزناً أكيداً ......

كنت هنا ومن هنا أستودعكن الله ...

روح العود · 05 02 2010, 04:24

♥~ْ\\..إنْ لَمْ تَحْتَرقْ أَنْتَ وَلَمْ اَحْتَرقْ أنَا فَمَنْ يٌضِيءُ لَنَا الطّرٍيقْ..//ْ

روح العود · 06 02 2010, 07:48

مرحبا ملايـــــــــــــــــــــــــــــــــــــــن

شخباركم بناااااات ؟

بخبركم اليوم شو صار عندنا ..

البارحه بالليل نزل عندنا شوي مطر يعني ع الخفيف لكن اليوم ما شاء الله نزل وااايد والجو صار روووعه ..

طبعاً الكل طلع من البيت راحوا يتمشون إلا خويتكم ما تفارق

..

قعدت أصمم موضوعي اليديد .. ما بخبركم شو هو بخليه مفاجئة ..

وإن شاء الله إذا تم الجو مثل ما هو بصور لكم باجر وبحط الصور هنيه ..

أشوفكم على خير

روح العود · 07 02 2010, 12:38

مساكم فل وياسمين ...

الجو اليوم روووعه وبررررررد

وشوية مطر ع الخفيف ..

فتذكرت أني وعدتكم أصور لكم الجو

لكني صورته بالموبايل ...

إن شاء الله يعيبكم تصويري

سي يو

روح العود · 07 02 2010, 01:40

حيالله من يانا نورتي أموووله ..

روح العود · 08 02 2010, 09:56

يااااااااااااااااااااي أنا فرحااااااااااااااانه وايد لأنه فريقي فاز بمسابقة أدوات الجرافيك والسكرابز ..

وهذا هو وسامنا ..

تعرفون ليش أنا فرحانه هالكثر ؟؟

لأني أول أشارك بمسابقة وأكون مع فريق ونفوز بالمركز الأول ..

يالله بروح عنكم عشان أحتفل مع فريقي بالفوز ..

ودي لكم

روح العود · 09 02 2010, 01:33

اللهم إن كان رزقي في السماء فأنزله

وإن كان في الأرض فأخرجه

وإن كان بعيدا فقربه

وإن كان قريبا فيسره

وإن كان قليلا فكثره

وإن كان كثيرا فبارك لي فيه

روح العود · 09 02 2010, 02:00

ليستْ كلُ الأَيامِ مُتشابِهَةٌ فَبَعْضُهَا

قد يَنْحَني بنا إلى اتجَاهَاتٍ مُبْهَمَة

تُجبرنا على الخَوضِ في اسْتِفهَماتِها

روح العود · 11 02 2010, 01:04

مرحبا بناااات

بخبركم اليوم شو صار لي..

اليوم كانت نفستي زيروووو ..

الظهر يانا خبر أنه أخوي في المستشفى قلبه يعوره وأمي الله يهداها زيغتني وأنا بروحي صايره خوافه من أسمع صوت قطوة

أحط ف بالي أنه واحد من أخواني فيه شيء فما باالكم إذا صدق فيه شيء ...

أتصلت فيني وقالت أنها بتروح له المستشفى وأنها مب متطمنه فلازم تكون عنده ..

وأنا قعدت مع عياله لأنه حرمته عنده .. فقعدت ألعب معاهم عشان أنسيهم لأنهم وايد متعلقين بأمهم وأبوهم فخفت أنهم يسألوني

عنهم وبنفس الوقت خايفه عليه ففكري مره عند العيال ومره عند أخوي ..

لكن الحمدلله طمنونا عليه وهو بخير الحين لكن بيسوون له فحوصات عشان يتطمنون أكثر ..

والحمدلله أنا صرت بعد أحسن .. وأدعي ربي دووم أنه يخلي لي أهلي كلهم وما يحرمني منهم ..

آمييييين يارب ..

هذا إللي صارلي اليوم وحبيت أفضض به هنيه لأنه ملجأي الوحيد ..

وسامحوني ع الإطالة ..

روح العود · 12 02 2010, 05:47

مساء الخير

حبيت أطمنكم على أخوي والحمدلله طلع من المستشفى وهو بخير ..

والناس ما شاء الله حد ياي وحد رايح طلع الأخو محبوب خخخخخخ

والبارحة المساء بسبب هالنت الزفته ما قدرت أقعد على لابي لين اليوم .. واليوم تصلحت ما أدري بلاها يمكن تأثرت بالجو هع

..

روح العود · 12 02 2010, 10:13

وه فديت إللي فاقديني

وعساج ما تفقدين غالي يارب ..

الله يبارك بحياتج

والله يديم الفرح بقلبج ..

يا حبي لج

آميييين وياج يارب

وما شاء الله عليج قوية الملاحظة أنا أنتبهت لكن ما عرفت أغيره فقلت محد بيلاحظ وما توقعت حد بيلاحظ ههههه ..

الله يسلمج غناتي

...

تسلمين الغلا

بس ما ع رفتج

آميييييين وياج يارب

تسلمين فديتج ..

ليه العتب ... بحاول أغيره بعد فتره ولا يهمج ..

ويبعده عن الكل إن شاء الله

ويشفى مرضى جميع المسلمين ..

آمين وتسلمين فديتج ع الدعوة الحلوه

نورتي الغاليه

أخجلتي تواضعي ..المدونة حلوه بتشريفكم والله

وحبتج العافيه يارب ...

تسلمين فديتج هذا من طيب أصلج

هلا هيوومه

.. الله يبارك بحياتج وتسلمين الغاليه ع الدعوة ولج مثلها بإذن الله

..

منوريـــــــــــــــــن الغوالي

تشرفت بزيارتكم لي ..

روح العود · 13 02 2010, 12:56

أوووووف خاطري أصمم بس مب لاقيه صور مناسبة

أحولت عيوني أو أني صرت ما أعرف أصمم ما أدري شو السالفه ..

روح العود · 13 02 2010, 03:11

مراااااااااااااحب

شخباركم وشو عامليييييييييييييييين ؟؟

اليوم معصبه على موقع للأنمي فتحت عندهم موضوع أبغي أغير نكي فقاموا حضرتهم وحذفوا موضوعي ...

روح العود · 13 02 2010, 08:25

من ساعة زارونا ضيوف وتوهم رايحين ..

عندهم أما هي بنت كله تسولف ما شاء الله عليها ما تسكت خخخخخخ

مشكلتي أحب السوالف لكن لما تزيد عن حدها تصير ممله

لكن كان بعضها حلو ومسلي <<< ما عرفنالج

وأختي معصبه عليها هههه قالت كله تمدح نفسها .. وأختي حضرتها موتها ولا تحب حد يمدح نفسه وايد ...

وراحوا ورجعنا كل حد لغرفته وأنا رجعت للابي العزيز

المهم بخليكم الحين وبسير أتعشى وراجعه لكم بعدين ..

سي يو

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)