رٍدّدّ للّـي ينَآإفَسّنيٍ ..بـ|غَ|ـلآگ الْخَ‘ــــلآ.. ثم الخَ‘ــلآ .. ثم الخَ‘ـلآ .. - الصفحة 4

CaRaMiLlA · 14 12 2009, 08:06

اليوم دخلت اختباري ..
جبت العيد ..
وطلعت ..

CaRaMiLlA · 16 12 2009, 07:58

اقتباس:

موفقه كركر

ولهت عليييج وعلى سوالفج وعلى رفيجاتج سلمي عليهم

>> قاااطه الاخت

مريووم

هلااااااا بمرمر
وينك أنتي لك فتره ماسمعنا حسك ..!
كلا من هالاختبارات .. الله يوفقك ياحلووآآآ

اقتباس:

هاا بششري ان شآء الله راح الم امك اللي في اذنها

\ايركا

هلااا بالعسوولة
ماما الحين كوويسه الحمدلله خف ألم اذنهااا
منوورة ياقمر

اقتباس:

كرميلآ عسسوله

الله ييسر لك كل اللي فيه خير ويحقق اللي ببآلك .. ليتك تشآركينآ يمكن نشجعك ونشآركك طموحآتك يآ حلوة

الله دعوتك عجبتني
امم بصراحه انا حلمي أدرس تخصص ريآض أطفــال
ولما أتخرج أفتح لي حضانة
هو حلمي بسيط بس والله مو حاصل لي
بس ان شاء الله ان شااااااء الله السنة الجايه بآخذ لي دبلوم رياض اطفال
والحضانة متى ماربي كتب بفتحها طبعاً بعد ما أتخرج
وعلى ماتتيسر اموري وأقدر افتحها أبغى أشتغل معلمة بالروضة
لآ أحد يضحك علي زي أهلي وبعض صديقاتي طيب وش أسوي انا عششقي الأطفال
ومن زمان وانا اتمنى هالشي اني اكون بمكان كله بزارين
بالي طووويل معاهم .. خلاص بسكت قبل لأصيح الحين

CaRaMiLlA · 16 12 2009, 11:05

ياربي أحسني معصبه ومتنرفزه حيل
والموضوع تافه ما يستحمل
بكره بتجي خدامتنا الجديده طيب وبابا طالبها جديده اول مره بحياتها تشتغل
وهذا الشي اللي قاهرني ومعصبني ليه طالبها كذا
يعني الحين بنقعد شهوور نكلمها بالاشاره ويالله يالله تفهم
وبنحتاس معاها يعني اوول كم شهر ماراح نستفيد منها ابد
ولا بعد مو راضي يخلي الخدامه القديمه تكون موجوده عشان تعلمها
ليه طيب .. يقول هاذي شغلها مو كويس واخاف تخربها
خلها ع الاقل تعلمها شوي ع الكلام تساعدنا شووي
والله عاد كيفه بكره لا يقعد يتذمر اذا ماعجبته هذا طلبه ويتحمله

CaRaMiLlA · 17 12 2009, 01:00

شوو هالستايل البناتي ..!

عاد للأسف أنا ما أحب الوردي كثير

.. بس الستايل حلوو نعوووم

**

وصلت خدامتنا الجديده الحمدلله تعرف عربي

اسمها ( عائشة )

أول مره تجينا خدامه اسمها عربي خخخخخ

***

حلمت حلم غريب ..!
ياخوفي يتحقق

لأنه تكرر كم مره وصار لي جزء منه بالواقع

خايفه يتحقق الباقي منه

استغفر الله ..

CaRaMiLlA · 18 12 2009, 10:42

أحلامي هـ اليومين تبشر بـ خير

ان شاااء الله تتحقق .. والله أتمنى من كل قلبي إنها تتحقق .!!

CaRaMiLlA · 19 12 2009, 08:02

اليوم اختباري كان حلووو يجنن ان شاء الله تكون درجتي حلووة عاد ماتخزي

**

مريوومآآ

الله يكتب لك اللي فيه الخير
أبي أفرح فيك يختي

**

يوم الأربعاء كان موعدي عند دكتور البريسز الساعه 4 العصر
وانا على الساعه 3 رجعت من الكليه ونمت ولا صحيت الا 7
عاد مابي اروح له الا لما اروح لطبيب الاسنان اوول .. عندي ضرس يعورني
مع اني مسويه له حشوو عصب بس مـدري وش سالفته

**

يــــــآرب يـــآرب يـــــــآرب حقق لي حلمي

CaRaMiLlA · 19 12 2009, 08:11

وش فيه المنتدى يعاندني
مايطلع الخط مثل ما ابيه ؟؟؟

CaRaMiLlA · 20 12 2009, 09:43

أمس جلسنا نتخيل اشياء

مريووم حلمها انها تفتح مشغل خاص فيها عاد تخيلنا انها فتحته وسوت فيه حضانة انا
المسؤوولة عنها

عاد فوز تطنزت علي تقول انتي بتصفقين البزارين :/
قلت لها من الحين أعطيك خبر .. حضانتي تتعذر عيالك

ههههههههههههه
وخلينا عبقور في الاستقبال .. ومريووم صاحبة المشغل بتكون للمكياج والتصاميم
وفوز العارضه حقت الازياء خخخخخ مالقينا لها شغله

ودلووول حاولنا نطلع لها وظيفه تناسب فهاوتها خخخخخخ مالقينا لها الا مندووبة
من ذوولي اللي لا رحتي مشغل كبوا عفشهم قدامك وقاموا يقرقوون فوق راسك

وعاد هي مستانسه تقول الله يعني بسافر ..!! نقوول لها ليه وش حقه تسافرين ؟؟

تقول مـدري بس المندوبة كأنها تسافر

والله ضحكتني خخخخخخ

**

يآرب يسر أموري وارزقني بـ اللي أتمناه

CaRaMiLlA · 20 12 2009, 09:51

اووهووو كل ما اكتب واتعب نفسي واعدل
يطلع الخط شين مو مثل ما ابيه

CaRaMiLlA · 21 12 2009, 07:27

مساء الخير

مع اني تعبانه وأكسر الخاطر بس مروووقة حيل الحين

خخخخخخخخ
والله حلقي يعورني صاير صوتي كأني وحده توها صاحيه من النووم
حتى ضحكتي تطلع مقطعه بدا يتلاشى صووتي

المهم اقول لكم اليووم كان عندي اختبار نحووو
وأمس كنت تعبانه حلقي يعورني + صداع + اسناني + اللي ماتتسماش

ومافتحت الكتاب نهائي
ولما صحيت الصبح مدري شفيني تأخرت ولا وصلت الكليه الا 7:50
والاختبار يبدأ 8 يعني حتى مافي مجال افتح الكتاب .. اول مادخلت شفت عبقور ونوف
قعدت معاهم شوي وجات مريوومآ وقالت عبقور يلاااا ندخل الاختبار الساعه 7:58
قلت هاااه اصبري خليني القي نظره ع المنهج هههههههههههه
بس ماامداني اقرا شي طبعاً وخذت قلم مريووم معاي ( قلم الحظ من عطتني اياه وانا كلا احل زين
الحمدلله حتى لو اني ماذاكرت سبحان الله احل كوويس

)
المهم دخلت الاختبار وعطووني الورقة والحمدلله حليت كوويس وطلعت منه 8:30
وقعدت مع صديقاتي الى 9:30 وقت محاضرتي الثانيه ورحت لها وادخل القاعه الا هي فاضيه مافيها بنات
حسبت نفسي مضيعه وارووح اتأكد من الجدوول والا والله ماني مضيعه وشت بنت وسألتهاا عن المحاضره
الا تقول انها ملغيه قلت اشووا مالي خلقها اصلاً .. ورحت اتأكد من وقت محاضرتي الثانيه طلعت 12:40
ياربي وش اسووي لحالي كل هالووقت صديقاتي اللي بيدخلون اختبارهم واللي في محاضراتهم ..!
المهم جلست مع نوف لما طلعوا باقي صديقاتي ورحنا الكافتيريا وانبسطت معاهم ونسيت محاضرتي الثانيه
اااه خلاص تعبت مابي اكمل السالفه

<< لاااا تكفين كمليها

**

بوكرآ عندي off
اللي يسمعني يقول كل يوم اذاكر واكرف هههههههههه

**

انا هاليومين صايره نسايه بشكل شنيع

تخيلوا اني اسوولف وفجأه تنمسح السالفه اللي اقولها من مخي
وانسى وش كنت اقووول وش تكملة اللي بقووله
والله ينمسح مسسسسح ..!!

**

باقي 20 يوم وأكبر سنة ..!

أحسني كبرت بسرعه ولا شرايكم ..؟!

CaRaMiLlA · 21 12 2009, 10:35

سويت حلا نووف ( الزغر ) هذا اسمها مو اسم الحلا

اذا ضبط وطلع اوكي يمكن انزل طريقته

**

الذين يشاهدون محتوى الموضوع الآن : 2 ( الأعضاء 2 والزوار 0)
‏CaRaMiLlA, ‏™•ḞᾀṆỏΌỏΌ

نووورتي صفحتي ياقمر انتي

اشتأت لك يادوبآ وقسسسم

CaRaMiLlA · 24 12 2009, 11:42

صبــآح الخير ..

والله كأنه أذن الظهر

كيف الحلوووين ..؟؟

**

أمس صحيت المغرب على صجة بزارين مو طبيعيه
والمشكله مو في بيتنا لا بالشااارع ..!!
شكله واحد من الجيران عازم أهله بس ماشاء الله بزارينهم كثااار
وقاعدين يلعبون بالأرض الفاضيه اللي جنبنا والله لا يوريكم الازعاج
اقوول لكم صحووني من عز نوومي اعووذ بالله
فتحت الشباك اشوفهم الا خفت من كثرهم ..!
عاد كانوا يلعبون كورة وأنا اسمعهم وهم متحمسين
فجأه تهاوشوا .. والا اسمع ذيك السبّات ..!!
كانوا يقولون لبعض كلام بـــــــذيء جداً

انا انصدمت

شلون طفل يقول هالكلام ..!!
وبالشارع ..! وبأعلى صوووته ..! يعني الوضع عادي عنده ..!!!
والله اني خفت يوم سمعتهم حسيت ان اطفال هالزمن صاروا يخوفون .!!

**

ري ري مبرووك ياعسل

وعسى ايامك الجايه كلها أفـــرآآآح

تجننين وانتي مبسووطة

<< مدري حسيت كذا

CaRaMiLlA · 26 12 2009, 11:40

اليوم مزاجي X
نادينو البايخه تقول لأني صايمه .! الحمدلله والشكر
انا متنرفزه ومزاجي معفوس لأني مانمت الا ساعتين بس
مو لأني صايمه .. ماحبيتها نادين اليوم لا هي ولا هيا
استغفر الله بس
ودلول بعد ماعجبتني الله يهديك وتتركين اللي بالي بالك .. والله حرام تسوين بنفسك كذا

CaRaMiLlA · 26 12 2009, 10:47

اليوم رحت وشريت لماما هديه ..

كذا بدون مناسبة

.. بس حبيت أفرحها وخصوصاً اني ماعمري
اهديتها شي

..
والله هديتي بسيطه ومنخزيه منها

بس جهزتها وحطيتها بغرفتها
وهي كانت طالعه ولما جات تفاجأت فيها
وفررررررحت حييييييييييل وقامت تصيح من الفرح

وانا انبسطت وربي لما حسيت اني فرحتها ..

الله لا يحرمني منها

CaRaMiLlA · 26 12 2009, 10:49

الذين يشاهدون محتوى الموضوع الآن : 3 ( الأعضاء 3 والزوار 0) ‏CaRaMiLlA, ‏ηάωάŕά, ‏ايركا

منورين وقسسسم يا أمامير

ايركا ازيك مع مدرستك المسائية ؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)